Nein, Onkel: Snapshots From Another Front 1938–1945, Ed Jones agus Timothy Prus

Nein, Onkel: Snapshots From Another Front 1938–1945 is suirbhé fótagrafach é ar thaobh difriúil, annamh den saol sa Tríú Reich Naitsíoch. Tá atáirgeadh de 347 grianghraf nach bhfacthas riamh cheana ann – cuid acu i ndath – a léiríonn na gnéithe den mheaisín míleata Gearmánach a bhí grámhar don spraoi, a bhí as alt go gnéasach agus a bhí leisciúil ó thaobh oibre de, agus a thugann dúshlán an tuairim a nglactar leis faoi fhir dhona i mbróga troma. Agus iad roghnaithe as bailiúcháin fhairsinge ag Cartlann na Coimhlinte Nua-Aimseartha (Archive of Modern Conflict), tagann na grianghraif an-phearsanta seo ó albaim phríobháideacha a thiomsaigh gnáthshaighdiúirí a bhí gafa i lasracha an Dara Cogadh Domhanda. Ní na cathanna fuilteacha a thaifeadann siad, ach an spraoi a bhain daoine amach ar b'fhearr leo a bheith ag súil le nap nó dhó, ag rince sa tuath nó ag dul i mbun gnímh sa tuí seachas a bheith ag troid.

Buaiteoir Dhuais an Leabhair Stairiúil ag Rencontres d’Arles 2008

Is eagraíocht í Cartlann na Coimhlinte Nua-Aimseartha (Archive of Modern Conflict) atá tiomanta do bhailiú agus do chaomhnú grianghraf dúchasach, réad, déantán, nithe aisteacha, agus eifiméara. Bunaithe i 1991, thosaigh an chartlann mar bhailiúchán de ghrianghraif a bhain le cogadh agus coimhlint ach ó shin tá a cúram leathnaithe aici le bheith ina stór ollmhór agus éagsúil ó thaobh téamaí de mar atá sé inniu.

Foilsithe ag Archive of Modern Conflict
Clúdach crua
236 leathanach
250 x 230 mm
ISBN 9780954709112